६ भाद्र । अछाम जिल्लाको तुर्माखाँद गाविसमा झाडापखालाबाट २ जनाको मृत्यु भएको छ । गाविसको वडा नम्बर ८ की ३५ वर्षीय कोकिला विक र ११ वर्षीय जैभाने विकको झाडापखालाका कारण मृत्यु भएको स्थानीय हर्कबुढाले बताउनुभयो । तुर्माखाँद ईलाका स्वास्थ्य चौकीबाट १ दिनको पैदल दूरीमा रहेको त्यो ठाउँमा उपचार नै नपाई उनीहरुको ज्यान गएको हो । वडामा झाडापखाला फैलिएको र आधा दर्जन बढी बिरामी भएका ईलाका स्वास्थ्य चौकी तुर्माखाँदले जनाएको छ । यता जिल्ला स्वास्थ्य कार्यालय रोग फैलिएको भए स्वास्थ्य कर्मीको टोली पठाउने बताएको छ । यसका लागि पहल भइरहेको स्वास्थ्य प्रमुख डा. रामबहादुर केसीले बताउनुभयो ।