रुसमा एउटा यस्तो सुँगुर जन्मिएको छ, जसका दुइवटा टाउका छन् । रुसको ब्रायन्स क्षेत्रस्थित एक कृषि फार्ममा पालिएको सुँगुरले दुइ टाउका तथा ४ आँखा भएको बच्चा जन्माएको हो । सुँगुरले जन्माएका १० बच्चामध्ये ९ जना सामान्य रहेको र एउटाका भने दुइवटा टाउका रहेका बताइएको छ । यस्तो दुइवटा टाउका भएको सुँगुर जन्मिनु वंशाणुगत उत्परिवर्तन भएको विज्ञहरु बताउँछन् । यस्तो जेनेटिक म्युचेसन (उत्परिवर्तन) भएका प्राणीहरु बाँच्ने सम्भावना पनि निकै कम हुन्छ । त्यसैले होला दुखको कुरा सो दुइ टाउके सुँगुरको बच्चा समेत जन्मेको केही दिनमै मर्‍यो ।