१२ साउन, काठमाण्डौ ।  नेकपा एमालेका अध्यक्ष झलनाथ खनालले सरकारले दिएको सरकारी सुविधानको प्राडो गाडी सरकारलाई फिर्ता गर्नु भएको छ । पूर्व प्रधानमन्त्री, पूर्व गृहमन्त्री र पूर्व न्यायाधीश लागायतका विशिष्ट व्यक्तिहरुलाई सरकारले दिइने आजीवन सुविधानको चौतर्फी विरोध सुरु भएपछि खनालले पूर्व प्रधानमन्त्रीका हैसियतले सरकारले दिएको सुविधा फिर्ता गर्नु भएको हो । पूर्व प्रधानमन्त्रीको हैसियतले सरकारले दिएको बा ६ च १०२६ नम्बरको प्राडो गाडी सरकारलाई फिर्ता पठाउनु भएको खनालको निजी सचिवालयले जनाएको छ । यसअघि पूर्व प्रधानमन्त्री माधवकुमार नेपाल र काँग्रेस उपसभापति रामचन्द्र पौडेलले पूर्व सभामुखका हैसियतले प्राप्त सरकारी सुविधाको गाडी हिजो फिर्ता गर्नु भएको थियो । भने माओवादी अध्यक्ष पुष्पकमल दाहाल प्रचण्डले पार्टी कार्यकर्ताको दबाबपछि सरकारी सुविधा केहीदिनअघि फिर्ता गर्नु भएको थियो ।