१९ श्रावण, काठमाडौं । वार्ता प्रक्रियालाई अगाडी बढाउन उच्च स्तरीय राजनीतिक समितेले पुनः असन्तुष्ट दलहरुलाई पत्र पठाउने निर्णय गरेको छ ।

समितीको कार्यलय नयाँ बानेश्वरमा आज बसेको बैठकले आन्दोलनरत ३३ दलिय मोर्चालाई सम्बोधन गरेर पुनः पत्र पठाउने निर्णय गरेको हो । यसअघि मोर्चाले हिजो वार्ताका लागि सकरात्मक रहेको भन्दै वार्ताका लागि आह्वान गर्दे पुनः पत्र पठाउन आग्रह गरेको थियो ।

बैठकमा समानुपातिक सीट संख्या तथा क्षेत्र निर्धारणका बिषयमा समेत छलफल भएको थियो । समानुपातिक सिट संख्या बढाउनुपर्ने विषयमा एकीकृत माओवादी र मधेसी दल सकारात्मक देखिएको छ भने काँग्रेसका नेताहरुले सिट संख्या बढाउन नहुने बताएका छन् ।