२८ श्रावण, काभ्रे । काभ्रेमा बर्डफ्लुको संक्रमण भेटिएको छ । कुखुरा परीक्षणका क्रममा काभ्रेको ३ ठाउँमा यसको संक्रमण भएको पुष्टि भएको जिल्ला पशु सेवा कार्यलय काभ्रेले जानकारी दिएको छ । काभ्रेको नेपाल ह्याचरी साँगा, उग्रतारा–४ स्थित भगवान खत्रीको फर्म र खत्रीकै नासिका–२ मा रहेको फर्मका कुखुरामा बर्ड फ्लु भेटिएको पशु सेवा कार्यलयका प्रमूख सम्झना काफ्लेले जानकारी दिनुभयो ।

बर्डफ्लुको संक्रमण भेट्ने बित्तिकै प्रमूख जिल्ला अधिकारी दुर्गाप्रसाद भण्डारीले कुखुरा नष्ट गर्न आदेश दिनुभएको छ । यसअघि भक्तपुरमा देखा परेको बर्डफ्लु नियन्त्रण गर्न सरकार असफल भैंरहेको छ । सरकारले सबै कुखुरा नष्ट गर्ने निर्णय गरेपछि भक्तपुरका व्यबसायीहरुले निरोगी कुखुरा नमार्न आग्रह गरेको छ । आफ्नो आग्रहलाई सरकारले बेवास्ता गरेमा कडा आन्दोलनमा जाने व्यबसायीहरुको चेतावनी छ ।