२० श्रावण, काठमाडौं । एमाले अध्यक्ष झलनाथ खनालले एकीकृत नेकपा माओवादी ठूलो पार्टी बनेमा फेरी पनि संविधान नबन्ने निश्चित रहेको बताउनुभएको छ । एकीकृत माओवादी संविधानको बाधक बनेको भन्दै अध्यक्ष खनालले विगतमा माओवादीले गरेको चुनावी तिकडम, डर धम्की र तामधामको खेल अब समाप्त भइसकेको टिप्पणी गर्नुभयो । अमेरिकामा रहेका एमाले पार्टी सर्मथकहरुको नयाँ संगठन प्रवासी नेपाली मञ्चको पहिलो अधिवेशनलाई सम्बोधन गर्दै अध्यक्ष खनालले एमाओवादी पार्टीको चर्को आलोचना गनर्गुभएको हो ।
खनालको भन्नुभयोे,–उनीहरुको जनआधारको जे कुरा थियो, त्यो अब खुम्चिसकेको छ ।  अब माओवादीको बहुमत आउने संभावना करिब–करिब समाप्त भइसकेको छ ।” उहाँले माओवादी सत्तामा आए, उस्का नीति र कार्यक्रम के कस्ता हुन्छन्, त्यसबारेमा अब जनता छर्लङ भएको टिप्पण्ँी गर्नुभयो । अध्यक्ष खनालले उग्र वामपन्थी धार र उग्र दक्षिणपन्थी यथास्थितीवादीबाट देशलाई मुक्त पार्न परिवर्तनकामी एमाले मात्र सफल हुने तर्क गरेका थिए । आगामी निर्वाचनको अर्को प्रतिस्पर्धी नेपाली कांग्रेसमाथि टिप्पण्ँी गर्दै खनालले कांग्रेसलाई आमुल परिवर्तनका एजेण्डाहरुलाई आत्मसाथ गर्न नसकेको पार्टीको संज्ञा दिएका दिनुभयो ।