१६ बर्ष मुनिको साफ च्यम्पियनसिप फुटबल प्रतियोगिता आजदेखि राजधानीमा सुरु हुदैछ । उद्घाटन खेलमा नेपालले आज भुटानको सामना गर्दैछ । दिउसो ४ बजे त्रिपुरेश्वरस्थित दशरथ रङशालामा हुने पहिलो खेलमा नेपाल बलियो आत्मविश्वासका साथ मैदानमा उत्रदैछ ।

भुटान साफ च्याम्पियनसिपमा नयाँ टिम भएकाले पनि नेपाल उसलाई पराजित गर्ने दाउमा छ । आजै हुने दोस्रो खेलाम समुह एकै पाकिस्तान र अफगानिस्तान भिड्दैछन् । नेपालले आफ्नो दोस्रो खेलमा भोली अफगानिस्तानसँग र बुधबार पाकिस्तानसँग प्रतिस्पर्धा गर्नेछ । समुह ए मा नेपाल सहित भुटान अफगानिस्तान र पाकिस्तान छन भने समुह बी मा भारत बंगलादेश र श्रीलंका रहेका छन् ।