नेकपा–माओवादी लगायत ४२ दलीय गठबन्धनले निर्वाचन घोषणाको बिरोधमा आह्वान गरेको नेपाल बन्द फीर्ता भएको छ । सर्बसाधारणको सुविधाका लागि भन्दै भर्खरै मात्र बन्द फिर्ता गरिएको आन्दोलनरत जनमोर्चा नेपालका महा–सचिव साध्यबहादुर भण्डारीले जानकारी दिनुभयो ।

 आन्दोलनरत दलहरुसंग सहमति नगरी सरकारले निर्वाचन मिती घोषणा गरेको बिरोधमा, नेकपा माआवादी सहितका ४२ दलहरुले आह्वान गरेको बन्दका कारण, आईतबार देशभरको जनजीवन प्रभावित भयो । बन्दका कारण राजधानी लगायत देशका मुख्य राजमार्गहरुमा यातायातका साधन चल्न सकेनन् भने बजार पसल शिक्षण संस्था सबै ठप्प भएका थिए । 

यसैबिच बन्दकर्ताले आईतबार विहानै गोरखा सदरमुकाममा बा ५ प ८२ ३८ नम्बरको कारमा तोडफोड गरेका छन् । त्यस्तै बन्दको अवज्ञा गरेको भन्दै दाङको घोराहीमा दुई वटा ट्रक र एउटा बस तोडफोड गरिएको छ भने काठमाडौंमा कारोबार दैनिकका पत्रकार समिर रेग्मीको मोटरसाइकल तोडफोड गरेका छन् । घरबाट कार्यालय जादै गर्दा कलंकीमा प्रर्दशन गरिरहेका प्रर्दशनकारीले आफ्नो परिचयपत्र देखाउदा देखाउदै आक्रमण गरेको रेग्मीले बताउनुभयो । आक्रमणबाट रेग्मीको बा २० प ७६३२ नम्बरको मोटरसाइकलमा क्षती पुगेको छ । 

आइतबारको बन्दमा राजधानीमा मोटरसाइकल भने सुचारु भएको थियो ।

यअसघिका बन्दमा राजधानीमा मोटरसाइकल चलाउन पाइँदैनथ्यो ।

बन्द फिर्तासँगै राष्ट्रिय मानवअधिकार आयोगले बन्दजस्तो कठोर कार्यक्रम अघि नसार्न आग्रह गरेको छ । आन्दोलनरत दलहरूले अघि सारेका माग वार्ता र सम्वादको माध्यमबाट सम्बोधन गरी सहमति, सहकार्य र समन्वयको आधारमा उपयुक्त राजनीतिक वातावरण कायम गर्न सरकार, प्रमुख दल र अन्य सरोकारवाला निकायहरूसाग आयोग आग्रह गर्दछ,-

निमित्त सचिव सुवर्ण कर्माचार्यद्वारा जारी विज्ञप्तीमा उल्लेख छ ।