१३ जेठ, काठमाडौं । सर्वोच्च अदालतले बहालवाला प्रधानन्यायाधीश खिलराज रेग्मीलाइ मन्त्रीपरिषदको अध्यक्ष बनाउनुको कारण पेशगर्न आदेश दिएको छ । न्यायाधीश गिरिशचन्द्र लालको एकल इजालसले बहालवाला प्रधानन्यायाधीशलाइ मन्त्रीपरिषदको अध्यक्ष बनाउनुको लिखित कारण १५ दिनभीत्र पेशगर्न आदेश दिएको हो । 

राष्टपति कार्यालय समेतलाइ विपक्षी बनाएर अधिवक्ता सुवास आचार्यले दायर गर्नुभएको रिटमाथीको सुनुवाइगर्दै न्यायाधीश लालको इजालसले कारण देखाउ आदेश जारी गरेको हो । प्रधानन्यायाधीशलाइ मन्त्रीपरिषदको अध्यक्ष बनाउने निर्णय अन्तरिम संविधानको भावना विपरित भएको भन्दै अधिवक्ता आचार्यले चैत्र ५ गते सर्वोच्चमा रीट दायर गर्नुभएको थियो ।