२६ चैत्र,। नक्कली एटीएम कार्ड प्रयोग गरी नेपाल तथा भारतका विभिन्न बैंकबाट रकम निकाल्ने कार्यमा संलग्न तीन जनालाई प्रहरीले पक्राउ गरेको छ । पक्राउ पर्नेहरुमा भारत नैनीतालका सुरेशसिंह विष्ट, मोहनसिंह विष्ट र चन्द्रसिंह विष्ट रहेका छन् । घटनामा संलग्न भारतीय नागरिक सन्जु र काठमाडौं घर बताउने सुरज गुरुङ भने फरार रहेको प्रहरीले जनाएको छ ।  उनीहरुलाई नेपाल इन्भेष्टमेन्ट बैंकको १२, हिमालयन बैंकको १२ तथा लक्ष्मी बैंक र भारतीय बैंकका एक÷एक वटा एटीएम कार्ड तथा एउटा मास्टर कार्ड र एउटा भिसा कार्ड सहित पक्राउ गरिएको प्रहरी प्रधान कार्यालय केन्द्रीय अनुसन्धान व्यूरोले जनाएको छ ।