काठमाडौं, चैत्र १७ । तान्जानियाको मध्य शहर दार एस सलाममा निर्माणधीन १२ तले भवन भत्किदा कम्तिमा १७ जनाको मृत्यु भएको छ । स्थानीय अधिकारीहरुका अनुसार भवन भत्किदा त्यहाँ रहेका ४५ मध्ये १८ जना भने बाँच्ने सफल भएका छन् ।

भवनको भग्नावशेषमा पुरिएकाहरुको खोजी भैरहेको छ । भवन भत्किएपछि त्यस क्षेत्रमा भागदौड मच्चिएको प्रत्यक्षदर्शीले जनाएका छन् । स्थानीय मस्जिद नजिक निर्माण भैरहेको उक्त भवन भत्कनुका कारणबारे निर्माण कम्पनीका केही मानिसलाई नियन्त्रणमा लिई अनुसन्धान सुरु गरिएको अधिकारीहरुले बताएका अन्तर्राष्ट्रिय सञ्चारमाध्यमहरुले जनाएका छन् ।