१७ चै, काठमाडौं । चुनावी मन्त्रिपरिषद्का अध्यक्ष खिलराज रेग्मीले चुनावको विरोधमा गर्दै आन्दोलन गरिरहेका नेकपा–माओवादी लगायत सबै असन्तुष्ट पक्षहरुलाई चुनावमा भाग लिन आग्रह गर्नुभएको छ । उहाँले निष्पक्ष र लोकतान्त्रिक ढंगले निर्वाचन गराउन सरकार तयार रहेको समेत बताउनुभयो । रिपोटर्स क्लवको १५ औं वार्षिकोत्सवका अवसरमा शविबार आयोजित कार्यक्रममा रेग्मीले सरकारले बनाएको वार्ता समितिले काम सुरु गरिसकेको समेत जानकारी दिनुभयो । उहाँले निर्वाचन आयोगसंग परामर्श भइरहेको र छिट्टै निर्वाचनको तिथी तोक्नेगरी सरकारले काम गरिरहेको बताउनुभयो ।

यसैबिच, अन्तरिम चुनावी मन्त्रिपरिषद्का अध्यक्ष रेग्मीले नेपालको बिकासको मेरुदण्ड संस्कृती र पर्यटन भएकाले नेपालको पहिचान जोगाउन सबैमिलेर लागी पर्नुपर्नेमा जोड दिनुभएको छ । पाल्पाली संगमद्वारा आज काठमाडौंमा आयोजित एक दिने पाल्पाली महोत्सव उद्घाटन गर्दै रेग्मीले यस्तो बताउनुभएको हो । महोत्सबमा साँस्कृतिक झाँकी, पाल्पामा उत्पादित विभिन्न घरेलु सामग्रीहरु तथा फोटो प्रदर्शनीका साथै पाल्पाका विशेष खानाहरुको स्टल राखिएका छन । महोत्सबकै अवसरमा जिल्लाको विकासमा योगदान पु¥याएका बिभिन्न क्षेत्रका व्यतिmहरुलाई सम्मान र अभिनन्दन समेत गरेको थियो ।