८ भाद्र । पोखरामा क्षेत्रीय अन्तर्राष्ट्रिय विमानस्थल निर्माणको माग गर्दै नागरिक दबाब समूहले पोखरा विमानस्थल अगाडि आज पनि रिले अन्सन जारी राखेको छ । आज बिहान ८ बजे सुरुभएको रिले अनसनमा ईश्वरप्रसाद कर्माचार्य, सजिवबहादुर कोइराला, सुमनमोहन भट्टराईलगायत सहभागी हुनुहुनछ । यस्तै दिउँसो ४ बजेपछि दामु अधिकारी, रविन्द्र प्रजु, अमित राज मुल्मीलगायतकाहरु अनसनमा बस्नु हुने पर्यटन व्यवसाययी एवम् पर्यटन बोर्डका पुर्व केन्द्रीय सदस्य अग्नि कँडेलले जानकारी दिनुभयो ।
अबको एक हप्तासम्म पनि आफूहरुको माग पूरा नभए पोखराबाट हुने हवाई उडान अनिश्चतकालका लागि ठप्प पार्ने विमानस्थल निर्माणका नागरिक दवाव अभियानका संयोजक कृष्णमोहन श्रेष्ठले जानकारी दिनुभयो । पोखरामा क्षेत्रीय अन्तर्राष्ट्रिय विमानस्थल निर्माणको माग गर्दै रिले अनसनमा बसेको नागरिक दवाव समूहलाई सरकारले वार्तामा बोलाएको छ । विभिन्न दबाबमूलक आन्दोलनका कार्यक्रम गर्दै आएका पोखरेलीहरुसँग वार्ता गर्न सरकारले संस्कृति तथा नागरीक उड्यन मन्त्रालयका ऐन–नियम परामर्श शाखाका सह–सचिवको संयोजकत्वमा ५ सदस्यीय वार्ता टोली गठन गरेको हो । यसैबीच आन्दोलनरत पक्षले भने सरकारले गठन गरेको समितिले निकास दिन नसक्ने भन्दै कम्तीमा पनि मन्त्रीस्तरीय वार्ता समिति गठन गर्नुपर्ने बताएको छ ।