२४ श्रावण, धादिङ ।३८ औँ भू संरक्षण दिवसको अवसरमा बुधबार साँकोष–३ मा रहेको पशुपति मन्दिर तथा नेपाल पत्रकार महासंघको भवन निर्माणस्थलको हाता वरपर वृक्षारोपण गरिएको छ । जिल्ला भु–संरक्षण कार्यलय धादिङ र नेपाल पत्रकार महासंघ धादिङको संयुक्त आयोजनामा सम्पन्न वृक्षारोपण कार्यक्रमको अवसरमा तेजपत्ता, बाँस, निम, कपुर, लगायतका २०० भन्दा बढि विरुवाहरु रोपिएको थियो । प्रमुख जिल्ला अधिकारी वेदप्रसाद खरेलको प्रमुख आतिथ्यमा सम्पन्न वृक्षारोपण कार्यक्रममा स्थानीय विकास अधिकारी ईन्दु घिमिरे, जिल्ला शिक्षा अधिकारी दिपेन्द्र सुवेदी, विभिन्न संघसंस्थाका प्रतिनिधिहरु, नागरिक समाजका प्रतिनिधि र जिल्लामा क्रियाशिल संचारकर्मीहरुको सहभागिता रहेको थियो ।