१३ श्रावण, काठमाडौं ।त्रिभुवन विश्वविद्यालयमा कार्यरत कर्मचारीहरूको संस्था त्रिवि कर्मचारी सङ्घमा पहिलो पटक प्रगतिशील समूह विजयी भएको छ ।  सङ्घको नेतृत्वका लागि नेपाली काँग्रेस निकट प्रजातन्त्रवादी समूहबाट भोजराज राउत र एकीकृत नेकपा माओबादी र एमाले निकट प्रगतिशील समूहबाट कुबेर केसीको समूह प्रतिस्पर्धामा उत्रिएका थिए । हिजो अबेर सार्वजनिक मत परिणाम अनुसार केसी नेतृत्वको समूहले विजयी हासिल गरेको हो । केसी नेकपा एमाले निकट हुनुहुन्छ भने वरिष्ठ उपाध्यक्षमा निर्वाचित दिपक तिवारी एकीकृत नेकपा माओबादी निकट हुनुहुन्छ । निर्वाचनमा करिब सातसय मतदाता सहभागी थिए । निर्वाचन ७३ वटा केन्द्रमा सञ्चालन भएको निर्वाचन संयोजक भगिरथ काफ्लेले जानकारी गराउनुभयो । त्रिवि कर्मचारी सङ्घको यसअघिको लगातार तीन निर्वाचनमा नेपाली काँग्रेस निकटका कर्मचारी समूह विजयी भएको थियो । बामपन्थीहरुको गठबन्धन भएको यो पहिलो पटक हो ।