श्रावण ११, काठमाडौं । नेकपा एमालेका बरिष्ठ नेता माधवकुमार नेपाल र नेपाली कांग्रेसका उप–सभापित रामचन्द्र पौडेलले बिहिबार सुविधाको गाडि फिर्ता गर्नुभएको छ । सरकारले पूर्व विविष्ट पदाधीकारीहरुलाई आजिवन सुविधा दिने निर्णय विरुद्ध नागरिक समाजले आन्दोलन चर्काएपछि उहाँहरुले गाडि फिर्ता गर्नुभएको हो । एमाले नेता नेपालले बिहिबार विज्ञप्ती जारी गरेर जनस्तरबाट सुविधाबारे व्यक्त भावनाको सम्मान गर्दै पूर्व प्रधानमन्त्रीका रूपमा आफूलाई प्राप्त सरकारी गाडी फिर्ता गरेको बताउनुभएको हो । यसैगरि काँग्रेसका उपसभापति रामचन्द्र पौडेलले राज्यका विशिष्ट पदाधिकारीले पाउने सुविधाअन्तर्गत लिएको गाडि आजै फिर्ता गर्नुभएको छ । वर्तमान कामचलाउ सरकारले अध्यादेशमार्फत राज्यका विभिन्न विशिष्ट व्यक्तिहरुले पाउने सुविधाको प्रबन्ध गरेपनि त्यसबारे जनस्तरमा आलोचना हुन थालेपछि पौडेलले सुविधाको सरकारी साधन संसद् सचिवालयमा फिर्ता गर्नुभएको हो । उहाँले आफूले पाउने सवारीसाधन संसद् सचिवालयमा फिर्ता पठाउनुभएको र त्यसबाहेक अन्य सुविधा पनि नलिएको स्पष्ट गर्नुभएको पौडेलका सहयोगी चिरञ्जीवी अधिकारीले जानकारी दिनुभएको छ ।