आदिवासी जनजाति महासंघका अध्यक्ष राजकुमार लेखीले आदिवासी जनजातिले साउन महिना भित्रै  नयाँ पार्टी खोल्ने बताउनु भएको छ । स्याङ्जाको सदरमुकाममा जनजाति नेता तथा कार्यकर्ता संगको भेटघाटको क्रममा लेखीले आफूहरुले नयाँ पार्टी खोल्ने जातीय लडाँइको लागि नभई जनजाति पहिचानको लागि भएको बताउनुभयो । लेखीले यही साउन २५ अर्थात अगष्ट ९ मा नयाँ पार्टी खोल्ने बताउनु भएको हो । बाहिर आएजस्तो गरी आफूहरुले जातीय राज्य नमागेको लेखीको भनाई छ । यस्तै जनजाति महासंघका पूर्व अध्यक्ष पासाङ् शेर्पाले साठी बर्षे राजनैतीतिक शक्तीले जनजातिहरुको मागलाई सम्बोधन गर्न नसकेकोले आफूुहरु नयाँ शक्ति निर्माणमा लागेको बताउनुभयो ।