२६ असोज, काठमाडौं । अर्थमन्त्री शंकरप्रसाद कोइरालाले अन्तर्राष्ट्रिय मुद्राकोषको आवासीय कार्यालय नेपालमा खोल्न विश्व बैंकका उपमहानिर्देशक नायोकी सिनोहारासंग आग्रह गर्नुभएको छ । सिनोहारासंग मुद्रा कोषको मुख्यालय वासिङ्टन डीसीमा भएको भेटमा कोइरालाले नेपालको अर्थतन्त्र सुदृढ बनाउन मुद्राकोषको भुमिका महत्वपूर्ण हुने बताउनुभयो ।

अर्थमन्त्री कोइरालाले डलरको उतारचढाव हुँदा नेपालको अर्थतन्त्रमा परेको प्रभावका विषयमा मुद्राकोषका अधिकारीहरुको ध्यानाकर्षण गराउनुभएको थियो ।

विश्व बैंकका उपमहानिर्देशक शिनोहाराले नेपालको आर्थिक विकासको क्षेत्रमा मुद्राकोषले प्राविधिक सहयोग उपलब्ध गराउने आश्वासन दिनुभयो । सो अवसरमा अर्थ सचिव शान्तराज सुवेदी, नेपालका लागि अमेरिकी राजदुत डा. शंकर शर्मा, अर्थ मन्त्रालयका वैदेशिक महाशाखा प्रमुख मधु मरासिनी र राष्ट्र बैंकका डेपुटी गभर्नर गोपाल काफ्लेको उपस्थिति थियो ।