बैज्ञनिकहरुले पृथ्वी नस्तै सजिव जिवहरु बसोबाट भएको अर्को ग्रह पनि पत्ता लगाएको छ । सौर्य परिवार बाहिर पृथ्वीजस्तै चरित्र भएको अर्को ग्रह रहेको प्रमाण फेला पारेको तर उक्त ग्रह अहिले भने क्षतविक्षत अवस्थामा रहेको खगोलबिद्हरुले बताएका छन् ।

बाँचेखुसेका पिण्डको अध्ययनबाट उक्त ग्रहमा पहिले पृथ्वीमा जस्तै ठूलो परिमाणमा पानी रहेको, जुन जिवको अस्तित्वका लागि अत्यावश्यक रहेको उनीहररुको भनाई छ । 

पछिल्लो खोज निकै उत्साहपूर्ण रहेको खगोलविद्हरुका दाबीे छ । यो पछिल्लो खोजले करोडौँ वर्ष पहिलो हाम्रो सौर्य मण्डल बाहिर पृथ्वीजस्तै जिवको अस्तित्व रहेका ग्रहहरु रहेको खगोलविद्हरुका अनुसार प्रमाणित गरेको छ ।

ग्रहको तारा मृत भएपछि त्यो ग्रहमा गुरुत्वाकर्षण असन्तुलन समेत हुँदा संरचना क्षतविक्षत भएको र अहिले पनि उक्त ग्रहले मृत तारालाई परिक्रमा गरिरहेको खगोलविदहरु बताउँछन् ।

बेलायतको वारविक विश्वविद्यालयका खगोलविद्हरुका अनुसार पानी भएको चट्टानी पिण्ड सौर्य मण्डल बाहिर पत्ता लागेको यो पहिलो पटक हो । चट्टानी सतह र पानीको उपस्थिति सहितको आकाशीय पिण्ड सौर्य मण्डल बाहिर समेत फेला पर्नु निकै उत्साह बर्धक कुरा रहेको र यसले ब्रह्माण्डमा पृथ्वी बाहेकका अन्य पिण्डमा पनि जिवनको सम्भावनाको खोजीलाई सार्थकता प्रदान गरेको उनीहरु बताउँछन् । यो ग्रहको अवशेष पृथ्वीभन्दा १५० प्रकाश वर्ष टाढा छ ।