३० साउन, काठमाण्डौ । साफ च्याम्पियनसीप फुटबलको तयारीका लागि बहराइन भ्रमणमा रहेको नेपाली राष्ट्रिय फुटबल टोलीले मैत्रिपूर्ण खेलमा बहराइनको इष्ट रिफा क्लबलाई पराजित गरेको छ ।

पहिलो मैत्रीपूर्ण खेलमा बहराइनको २३ वर्ष मूनिको टोलीसंग ३-० ले पराजित भएको नेपाली टोलीले बहराइन शहरमा गएराति भएको दोस्रो मैत्रीपूर्ण खेलमा बहराइनको प्रिमियर डिभिजन क्लब रिफालार्इ  १-० गोल अन्तरले पराजित गरेको हो ।

मैत्रीपूर्ण खेलमा नेपाललाई जित दिलाउन खेलको ६१ औ मिनेतमा अनिल गुरुङले गोल गरे । अनिलले मिडफिल्डर जगजित श्रेष्ठको सटिक पासमा गोल गरेका हुन् । नेपाली टोली बहराइन बसार्इपछि बुधवार कुवेत प्रस्थान गर्दैछ । नेपाली टोलीले कुवेतमा थप १० दिन अभ्यास खेल खेल्नेछ भने अगष्ट २५ तारिखमा स्वदेश फर्किने छ ।