अर्थमन्त्री शंकरप्रसाद कोइरालाले कर क्षेत्र धेरैको आँखा लाग्ने क्षेत्र भएकाले संस्थागत र व्यक्तिगत छवि सुधारेर काम गर्न कर अधिकृतहरुलाई सुझाव दिनुभएको छ । आन्तरिक राजश्व विभागले देशभरिका प्रमुख कर अधिकृत र कर अधिकृतका लागि गरेको तीनदिने कार्यशाला समापन कार्यक्रममामन्त्री कोईरालाले कर दातामैत्री प्रशासन सरकारको मूल लक्ष्य भएकाले करको दायरा बढाउने अभियानमा लाग्न सल्लाह दिँदै अधिकृतहरुको कार्य मूल्यांकन आपूmले पनि गर्ने जानकारी दिनुभयो । राम्रो कामका लागि अर्थमन्त्रीको हैसियतमा आपूmले गर्ने कुनै पनि सहयोग जुटाइदिने प्रतिवद्धता व्यक्त समेत व्यक्त गर्नुभयो ।

अर्थ सचिव शान्तराज सुवेदीले कर प्रशासनमा केही वर्ष यता शक्तिको छत्रछायाँ रहेर काम गर्ने प्रवृत्ति देखिएको प्रति तीब्र असन्तुष्टि व्यक्त गर्दै क्षणिक लाभको बाटो नदेख्न सुझाव दिनुभयो । अर्थ मन्त्रालय राजश्व व्यवस्थापन महाशाखा प्रमुख राजन खनालले कर तिर्नु भनेको जनताले राज्यलाई गरेको योगदान भएकाले त्यसको पुष्टि गर्नु कर अधिकृतहरुको दायित्व भएको बताउनु भयो । आन्तरिक राजश्व विभागका महानिर्देशक टंकमणि शर्माले परिश्रम र सावधानी सवैभन्दा ठूलो योग्यता भएकाले यसलाई आत्मसात गर्न सुझाव दिनुभयो ।