National news,
दोरम्बा हत्याकाण्ड भएको १० वर्ष पूरा
Posted by Unknown
Published on Friday, August 16, 2013
मन्थली, साउन ३२–माओवादी सशस्त्र जनयुद्वकालमा भएको रामेछापको दोरम्बा हत्याकाण्डको शुक्रबार १० बर्ष पूरा भएको छ । २०६० साल साउन ३२ गते आजकै दिन तत्कालीन शाही नेपाली सेनाले कब्जामा लिएर २१ जना माओवादी कार्यकर्ताको दोरम्बामा सामूहिक हत्या गरेको थियो । हत्याकाण्डको स्मरणमा एकीकृत नेकपा माओवादी जिल्ला समिति रामेछापले दोरम्बामा आज स्मृति सभाको आयोजना गरेको छ ।
सरकार र तत्कालीन विद्रोही माओवादीबीच दाङको हापुरेमा वार्ता चलिरहेकोबेला दोरम्बाको डाँडाकटेरीस्थित एक घरमा बसीरहेका माओवादी कार्यकर्ताहरुको सामूहिक हत्या भएपछि वार्ता भंग भएको थियो । हत्या भएका सबैलाई माओवादीले सहिद घोषणा गरेको छ । घटनाको १० वर्ष बितिसक्दा पनि हत्यामा संलग्न दोषिलाई कार्बाही नभएको र न्याय नपाएको पीडित परिवारहरुले गुनासो गरेका छन् ।
