७ भाद्र, काठमाडौं । नेकपा–माओवादीका अध्यक्ष मोहन बैद्यले गोलमेच सम्मेलन भएपनि वर्तमान सरकार र घोषित मिती नमान्ने जिकिर गर्नुभएको छ । रिपोर्टस् क्लब नेपालले शुक्रबार बुझाएको ज्ञापनपत्र बुझ्दै अध्यक्ष बैद्यले गोलमेच सम्मेलनबाटै दलीय सरकार निर्माण गर्नुपर्ने निर्वाचन सुनिश्चित गराएर निर्वाचनको अर्को मिती घोषणा गर्नुपर्ने बताउनुभयो ।

अध्यक्ष बैद्यले उच्चस्तरीय राजनीतिक समितिसँगको वार्ताको क्रममा पनि आफूहरुले सरकार र मिति नमान्ने भन्दै पुरानो अध्याय सकिसकेको कारण नयाँ प्रक्रियामा मुलुक प्रवेश गर्ने बताउनुभएको थियो । यसअघि माओवादी नेतृत्वको मोर्चाले अघि सारेको १८ बुँदे माग अनुसार नै गोलमेच सम्मेलनमा अघि बढाउने स्पष्ट पार्दै उहाँले अब गोलमेच सम्मेलनबाट कोही पनि भाग्न नपाउने बतानुभयो ।