आगामी संविधानसभा निर्वाचनको लागि दलहरुबीच सहमतीका लागि समितीले गरिरहेको प्रयासबारे सम्मिलित उच्चस्तरीय राजनीतिक समितिका नेताहरुले मन्त्रीपरिषद् अध्यक्ष खिलराज रेग्मीलाई जानकारी गराएका छन् ।

अध्यक्ष रेग्मीको सरकारी निवास वालुवाटारमा आज भएको छलफलमा नेताहरुले सरकारले निर्वाचनमा ध्यान केन्दि«त गरी दिर्घकालिन असर पर्ने कुनै पनि निर्णय नगर्न अध्यक्ष रेग्मीलाई सुझाव दिएका छन । नेकपा–माओवादी सँगको वार्ताको प्रयास, माओवादीले राखेको निशर्त वार्ताको सम्बन्धमा सरकार र समितीको एउटै धारणा बनाउनेबारे समेत कुराकानी भएको थियो ।

नेकपा–माओवादीसँग कुन रुपमा वार्ता अघि बढाउने बारेमा समेत छलफल भई माओबादीसंग छिट्टै बार्ता गर्ने आजको छलफलले निर्णय गरेको छ । त्यसअबसरमा सरकारले दूरगामी महत्वका निर्णय गर्दै हिडेको भन्दै उच्चस्तरिय संयन्त्रमा आबद्ध दलका शीर्ष नेताहरुले सरकारको ध्यानाकर्षण गराएका थिए ।