International news,
मुस्लिम ब्रदरहुडका सयौं कार्यकर्ता तथा मुर्सीका समर्थकहरु सडकमा
Posted by Unknown
Published on Friday, July 5, 2013
कायरो, असार २१ । इजिप्टमा मुस्लिम ब्रदरहुडका सयौं कार्यकर्ता तथा मुर्सीका समर्थकहरु सेनाको कदम विरुद्ध सडकमा उत्रिएका छन्।
सेनाद्वारा अपदस्थ राष्ट्रपति मोहम्मद मुर्सीको पार्टी ब्रदरहुडका उनीहरुले सैनिक कदमको विरोधमा नारा लगाउँदै राजधानी कायरोको तहरिर स्वाक्यरमा ब्यापक प्रदर्शन गरेका बीबीसीले जनाएको छ ।
प्रदर्शनकारीले मुर्सीलाई नजर बन्दबाट मुक्त गर्न र राष्ट्रपतिमा पुनस्थापना गर्न पनि माग गरेका छन् ।
यता, सैनिक शासनले भने मुर्सीको पार्टीका नेता तथा कार्यकर्तालाई पक्राउ गर्ने क्रम जारी राखेको छ । मुर्सीलाई सैनिक हिरासतमा राखिएको छ भने मुश्लिम ब्रदरहुडका सयौं नेताहरुलाई पक्राउ आदेश जारी गरिएको खबर छ । सरकारी समाचारपत्र अल–अहरामले मुर्सीको मुश्लिम ब्रदरहुड पार्टीका ३ सय नेतालाई पक्राउ गरिएको जनाएको छ ।
