५ श्रावण, काठमाडौं । अध्यक्ष झलनाथ खनालले पेश गर्नुभएको राजनीतिक प्रतिवेदनमाथि नेकपा एमालेको केन्द्रिय कमिटीको बैठकमा छलफल सुरु भएको छ ।  पार्टी केन्द्रिय कार्यालय बल्खुलमा जारी शनिबारदेखि सुरु बैठकमा अध्यक्ष खनालले पार्टीको सम्पुर्ण शक्ति निर्वाचनमा केन्द्रित गर्नुपर्नेमा जोड दिदै प्रतिवेदन पेश गर्नुभएको थियो ।

भुराजनीतिक परिस्थिती, एकिकृत माओबादीको आन्तरिक संकट नेकपा माओबादीको अडान लगायतका विभिन्न कारण निर्वाचनको वातावरण प्रतिकुल बन्न सक्ने भन्दै अध्यक्ष खनालले एमालेले पार्टीको सम्पुर्ण शक्ति निर्वाचनमा केन्द्रित गर्नुपर्ने प्रतिवेदनमा उल्लेख गर्नुभएको छ । एमालेमा प्रभावशाली नेता केपी ओली लगायतले निर्वाचन अगावै महाधिवेशन गर्नुपर्ने बताइरहेका बेला अध्यक्ष खनालले फागुनमा मात्रै महाधिवेशन गर्नुपर्ने प्रतिवेदनमा उल्लेख गर्नुभएको छ ।