०१ आषाढ, काठमाडौं । काठमाडौंको जरसिंह पौवादेखि सिन्धुपालल्चोकको फट्केश्वरसम्म पिच भइरहेको सडक पहिला बस्तीमा कालोपत्र गर्न स्थानीय माग गरेका छन् । गाउँ छाडेर जंगलमा पिच गरेको भन्दै स्थानीयले पहिला गाउँमा कालोपत्रे गर्न माग गरेका हुन् ।

पाङ्ग्रेबासदेखि सिन्धुपाल्चोकको सीमानासम्म ५ किलोमिटिर पिच गर्ने ठेक्का पाएको लोहनी एण्ड ब्रदर्शले बस्ती सडकमा पिच नगरेकाले स्थानीयले छारो धूलो उडेर स्वास्थ्यमा पसर परेको भन्दै गाउँमा पिच गर्न माग गरका हुन् ।

गाउँमा पिच नभएसम्म जंगलमा पिच गर्न नदिने भन्दै स्थानीयले छापभञ्ज्याङ–फट्केश्वर खण्डमा भइरहेको काममा अवरोधसमेत गरेका छन् । स्थानीय दीपक आचार्यले बस्तीमा पिच नगरी जंगल पिच गर्न नदिने भन्दै काम गर्न नदिएको बताए ।

उनले भने, ‘बस्तीमा पिच नगरी जंगलमा गर्नुले हामी सशंकित भएका छौँ । आज भोलि भन्दै बस्तीमा पिचै नगरी ठेकेदार जान सक्ने भएकाले अवरोध गरेका हौँ । गाउँमा पिच नगरी जंगलमा गर्न दिँदैनौ ।’

लोहनी एण्ड ब्रदर्शका धु्रव भट्टराईले चाँडै बस्तीमा पनि पिच गरिने बताए । स्थानीयलाई काममा अवरोध नगर्न आग्रह गर्दै चाँडै बस्तीमा पनि पिच गर्ने उनले दाबी गरे । १३ किलोमटिर पिचका लागि जिविस काठमाडौंमाफर्त गा्रमीण पुनस्निर्माण तथा पुनस्स्थापना परियोजनाले का गरिरहेको छ ।

निर्माणका लागि परियोजनाले १३ करोड रुपैयाँ विनियोजन गरेको छ ।