National news Political News,
असारमा नै निर्वाचनमा लाग्न दलहरुलाई राष्ट्रपतीले आग्रह गर्यो।।
Posted by Unknown
Published on Saturday, March 30, 2013
१७ चै, काठमाडौं । राष्ट्रपति डाक्टर रामबरण यादवले असार पहिलो साताभित्रै निर्वाचन गर्ने तयारीमा लाग्न दलहरुलाई आग्रह गर्नुभएको छ । शनिवार बिहान राष्ट्रपति कार्यालय शितल निवासमा प्रमुख दलका शिर्ष नेताहरुसँग राष्ट्रपति यादवले यस्तो आग्रह गर्नुभएको हो । भेटमा राष्ट्रपति यादवले देशको पछिल्लो राजनीतिक अवस्था र संबिधान सभाको निर्वाचनका बिषयमा चासो व्यक्त गर्नुभएको एमाले उपाध्यक्ष बामदेव गौतमले बताउनुभयो ।
जवाफमा नेताहरुले भने सरकारले छिट्टै निर्वाचनको मिति घोषणा गर्ने र असार भित्रै निर्वाचन हुने गरी तयारी गरिरहेको बताएका थिए । साथै अन्तरीम चुनावी परिषद्लाई सहयोग गर्न गठित उच्चस्तरीय राजनीतिक समितिका गतिबिधि बारे पनि राष्ट्रपति यादवलाई अवगत गराएको गौतमले जानकारी दिनु भयो । राष्ट्रपति यादवले नेकपा–माओवादी, मधेसी जनअधिकार फोरम नेपाल लगायत आन्दोलनमा रहेका साना दलहरुलाई सहमति ल्याउने बिषयमा भएका प्रयास वारे दलहरुको ध्यानाकर्षण गराउनु भएको थियो । यथास्थितिमा निर्वाचनमा जान नसकिने वताउँदै उनीहरुलाई छिट्टो वार्तामा बोलाउन प्रमुख चार राजनीतिक शक्ति र सरकार सहमत भएपनि त्यसको औपचारिक टुंगो भने लागिसकेको छैन ।
