पश्चिमबाट पूर्व गइरहेको ना.४.ख १४३ नम्बरको ट्रिपरले सखुवागाछी ट्राफिक बिट अगाडि विपरीत दिशाबाट आइरहेको बा.१६.प ५१४८ नम्बरको मोटरसाइकललाई ठक्कर दिएपछि मोटरसाइकलमा सवार एक जनाको मृत्यु भएको छ । सोही ट्रिपर मोटरसाइकललाई ठक्कर दिएपछि अनियन्त्रत हुँदा ५० मिटर अगाडि गएर पूर्वबाट पश्चिम तर्फ आइरहेको ६६-१-१७०९ नम्बरको संयुक्त राष्ट्र संघीय विकास कार्यक्रम युनडीपीको गाडीमा ठोक्किएको थियो । जिपमा सवार ५ जना मध्ये २ जनाको पनि मृत्यु भयो । दुर्घटनामा विराटनगर ३ का विजय शर्मा, भारतीय नागरिक बुद्धमल जैनको मृत्यु भयो । एकजनाको नाम नखुलेको प्रहरीले जनाएको छ । घाइतेहरुको सुनसरी जिल्ला अस्पतालमा उपचार भै रहेको छ ।